‘A canzone d’o brigante

Amme pusatu chitarre e tammuri

Pecchè ‘sta musica s’ha da cagnà

Simme briganti e facimme paura

E cu ‘a scuppetta vulimmu cantà.

E mo cantammu ‘na nova canzone

Tutta la gente se l’ha dda ‘mparà.

Nuje cumbattimmu pe’ ‘o Re Burbone,

‘A terra è nosta e nun s’ha dda tuccà.

Chi ha viste ‘o lupo e s’è miso paura

Nu sape bbuono qual è ‘a verità.

‘O vero lupo ca magna ‘e creature

È ‘o piemontese c’avimme a caccià

Tutt’e paise d’a Baselecata

Se so’ scetate e vonno luttà,

pure ‘a Calabria s’è arrevutata

E ‘stu nemico ‘u facimme tremmà.

Femmene belle ca date lu core

Si nu brigante vulite aiutà

Nun ‘u cercate, scurdateve ‘u nome

Ci fa ‘a guerra nun tene pietà

Omme se nasce, brigante se more

E fin all’ultume avimma sparà

Ma si murimme menate nu fiure

È ‘na preghiera pe’ ‘sta libertà.